Kung Ako ang Papipiliin....from my facebook notes

kung ako ang papipiliin
gusto kong maging sundalo
ipagtatanggol ka kahit saan
at dagliang sasaklolo

kung ako ang papipiliin
gusto kong maging doktor
magpapagaling at mag-aalaga
pati na sa aso mo at pusa

kung ako ang papipiliin
gusto kong maging abugado
ipaglalaban ka kahit kanino
hanggang umabot sa husgado

kung ako ang papipiliin
gusto kong maging anluwagi
igagawa kita ng bahay
at ako ang silbing haligi.

kung ako ang papipiliin
gusto kong maging bumbero
ngunit hindi ko papatayin
ang apoy ng pag-ibig natin

kung ako ang papipiliin
gusto kong maging guro
sayo'y gagabay at magtuturo
ng daan sa aking puso

kung ako ang papipiliin
gusto kong maging pangulo
ikaw ang aking unang ginang
at mamamahay tayo sa palasyo

kung ako ang papipiliin
gusto kong lagi kang makita
makikiusap kay Bathala
na makasama ka sa tuwina.

kung ako ang papipiliin
gusto kong maging mayaman
ibibigay lahat ng gusto mo
kahit nasa dulo ng mundo

kung ako ang papipiliin
gusto kong maging tayo
bigyan mo lang ako ng tiyempo
at dadalhin kita sa paraiso